13 replies to this topic

[ba7r]

السلام عليكم ,

طبعا أعتقد إن الموضوع باين محتواه من العنوان وهو تحسين المحتوى العربى , الأول أحب أضيف مقدمة بسيطة وهى انى بدأت أستخدم الانترنت من أواخر التسعينات 98 أو 99 , كان كل استخدام الانترنت فى الوقت ده للتشات و الدردشة بس , ومن الفترة دى لحد يومنا هذا محسيتش انى لو كنت فى حاجة لمعلومة معينة ممكن الجا لموقع معين مكتوب باللغة العربية بعينه اللهم الا القليل , وحتى نتائج البحث بتوجهك لمواقع معينة واما بتفتح الموقع بتلاقى ان جودة المعلومات مش بالقدر اللى بيفيد المستخدمين والباحثين عن المعلومة .

بيرجع ضعف المحتوى العربى بالنسبة او مقارنة بالمحتوى الاجنبى وخاصة الانجليزى من وجهة نظرى الى عدم التخصص , بمعنى ان اى محتوى بيكتب بالعربية فى اى موقع ليس بالقدر الكافى من التخصص المطلوب , مثال على كده لو حبينا ناخد شريحة من المواقع الموجودة فى المحتوى العربى هنلاقى ان معظمها منتديات عامة بتتكلم فى كل حاجة , تفتح اخبار تلاقى رياضة تلاقى علوم تلاقى , لم اجد منتدى متخصص مثلا فى البرامج مفتوحة المصدر فقط , لم اجد منتدى بيتكلم عن النادى الاهلى بس الا المنتدى بتاع الموقع الرسمى للنادى , هذا ما يطلق عليه عندنا فى مصر " سمك لبن تمر هندى " أى موضوع فى اى حتة واهى بترزق , وده بيؤدى فى النهاية الى ضعف المعلومة وضعف المحتوى .

الفكرة الماخوذة دلوقتى عن المواقع العربية انها مواقع منتديات و غرف تشات فقط , و ده سبب من اسباب عدم قبول مواقع كتير فى القسم العربى من الدليل المفتوح دموز , لان فى ارشادات الدليل , موضحين فكرة هامة وثابتة وتعتبر مبدا فى دموز , ان الدليل بيختار المواقع الافضل , الافضل فى كل شىء , الدليل مش مجرد دليل بيقبل كل المواقع لا طبعا , دموز مبدأه ان الدليل يكون أشبه بمكتبة يقدر أى باحث عن معلومة او شىء معين إنه يفتحها ويوصل للمعلومة السليمة المفيدة , مش المهم انى افتح الاقى كل المواقع ادامى و خلاص .

ليه مثلا كل واحد فينا ميحاولش انه ينشأ موقع يتكلم فيه بس عن هواية هو بيحبها او عن فكرة هو مقتنع بيها , ساعتها هيقدر يبدع ويقدم خبرته ومعلوماته واللى هتبقى فريدة من نوعها وقيمة فى نفس الوقت , ليه مثلا المهتمين بمتصفح فاير فوكس ميعملوش موقع يقدموا فيه كل الجديد عن فاير فوكس وعن اصدراته و تاريخه والمشاكل و ازاى تصليحها , احنا محتاجين نتخصص أكتر و نقدم معلومة مفيدة وغير مكررة , ساعتها المحتوى العربى جودته هتتزايد ومش هنحتاج اننا نبحث عن معلومة فى اى موقع اجنبى مكتوب بالانجليزية او باى لغة اخرى .

أتمنى انى مكونش طولت عليكم و اكون شرحت سبب من اسباب عدم قبول العديد من المواقع المقدمة الى الدليل وهو ان المواقع دى لا تقدم اى جديد

شكرا

Edited by ba7r, 20 March 2012 - 02:08 PM.

[araby]

السلام عليكم ورحمة الله وبركاته

كلامك طيب و نتمنى ان نتطور واقعا وما رأيك انني امتلك موقع متخصص في تفسير الاحلام و الرؤى و محتواه غير موجود ولم يتم قبول اضافته في الدليل العالمي حتى الان و هناك نقص في الاشراف ولا يتم قبول المشرفين و هذه الامور كلها سلبية تجاه المحتويات و تطوير الويب العربي

Edited by Elper, 30 April 2012 - 10:52 AM.
No specific domains/urls please.

[ba7r]

بخصوص موقعك فأرجو منك عدم وضع أى روابط لاى مواقع فى المنتدى لانه يخالف قوانين المنتدى ,, اما بخصوص إدراجه بالدليل فالمشكلة الان هى قلة عدد المحررين فى الدليل وهو ما يؤدى الى بطىء عملية تقييم المواقع وادراجها ,, عموما ان شاء الله قريبا المشكلة دى تتحل وهنقبل طلبات التحاق بفريق المحررين  فى القسم العربى قريبا جدا

يرجى قراءة بعض أهم الارشادات فى الدليل

http://www.resource-...showtopic=56780

[araby]

ليست هذه المشكلة فقط انما هناك من يلعب في الدليل و يضيف مواقعه على كلمات حساسه و يغير اسماء المواقع المنافسه له للسيطرة في محركات البحث و استطيع اثبت لك هذا الامر ان كان هناك تحرك جدي لهذا الامر

[Elper]

إذا كان لديك أدلة على تحرير المسيئة، واسمحوا تعرف المشرف بواسطة رسالة شخصية.
المشرف = catmod, meta, admin

[ba7r]

يا ريت يا عربى لو فيه أدلة زى ما بتقول على كلامك تبعت رسالتك باسماء المواقع بكل حاجة هنا على الرابط ده ,, تبعت اسم المحرر وتبعت اسم المواقع الرابط هنا

[araby]

رابطك لا يعمل و سبق ان قدمنا بلاغ باللغة الانجليزية منذ تقريبا 3 سنوات و لم يتم البت فيه ولكن سنسعى في الموضوع الان لنرى الى اين سيصل

[araby]

عذرة منك هل يمكنني ارسال رسالتي باللغة العربية للشرح بصورة اوضح ؟

[ba7r]

ابعتلى انا باللغة العربية ,, ادخل على البروفايل عندى واختار ارسال رسالة ,, اكتب كل التفاصيل اللى عندك واكتب اسم المحرر لو تعرفه واكتب اسماء المواقع

Edited by ba7r, 10 May 2012 - 10:58 AM.

[abood]

اخي الكريم بحر

تمت مراسلتك و مراسلة المشرف Elper

من العضوية نفسها abood

ارجو النظر في الرسالة و التعقيب عليها و ترجمتها

[ba7r]

أنا رديت على رسالتك و إلبير رد على رسالتك ,, عموما انت كده شكوتك دلوقتى فى إيد الادارة وهما بيحققوا فيها ,, وأنا شرحت الادلة اللى انت بعتها  وشرحت المواضيع اللى انت بعتها من منتدى سوالف ,, على فكرة التحقيق جاد

Edited by ba7r, 17 May 2012 - 04:33 AM.

[abood]

مضى اكثر من شهر ولم ارى شيئا حتى الان ؟

[Elper]

Hi, your complaint has been noted, and is being reviewed by the meta editors.
If and when a decision is reached, or an action taken, we won't disclose it.
FYI our publicly available guidelines for abuse and communications which cover the issues.

Quote

مرحبا، وقد لوحظ في شكواك، ويتم مراجعتها من قبل المحررين الفوقية.
إذا وعندما يتم التوصل إلى قرار، أو اتخاذ إجراء ما، لن يفصح عن ذلك.
FYI إرشاداتنا للجمهور لسوء المعاملة والاتصالات التي تغطي القضايا.

[ba7r]

زى ما قلتلك يا عبود ,,, الشكوى رفعت للادارة وبيتم النظر فيها
وأنا فعلا شرحت كل كلامك وكل المواضيع اللى اتناقشت فى المنتديات الخارجية
ولكن أى قرار يتخذ أو أى إجراء لا يتم الافصاح عنه لان دى من سياسات الخصوصية فى الدليل

Edited by ba7r, 29 June 2012 - 12:09 PM.